㷫烚烚 (已結業)

又到咗食大閘蟹嘅季節啦，我鍾意食蟹膏係流心質地嘅蟹公多啲，呢間大閘蟹放題實在太正啦！呢度除咗就咁蒸熟嘅大閘蟹之外，仲有麻辣大閘蟹、玫瑰露花雕醉大閘蟹同秘製鹽焗大閘蟹，啱晒鍾意乜嘢都試吓嘅人😋😋冇諗過食大閘蟹放題仲包埋雞煲，可以自己揀辣度，少少辣就啱晒我🌶️呢度嘅前菜同大閘蟹小食樣樣都可以無限追加，我特別推介佢哋嘅「生滾大閘蟹粥」同「蟹粉糯米飯」，呢兩樣都全部食晒🤭嘢飲方面喺自助飲品區有哂各款汽水啤酒，仲有自家製嘅竹蔗茅根、檸檬薏米水丶雞骨草、五花茶同紅棗黑糖薑茶，超多款！記得留肚食埋佢哋嘅海鮮拼盤同甜品呀！