S2 鐵板燒 (已結業)

日式鐵板最開心嘅，係一路睇一路食，什至間唔時同阿廚傾下謁，從旁就可以完全睇到廚師功力，亦可以滿足下食客嘅求知慾。食日式鐵板動輒都要千多元1個人，不過今次去呢間S2，同老婆阿女去食，叫咗兩個$450餐，再加啲嘢食和飲品，千四有找係抵嘅。不過抵還抵，都要嘢食OK。食物係ok新鮮嘅，不過就一定無飛驒牛呢啲嘢，豬扒都一定係一般級別嘅上乘貨，講真，最貴都係$780，無可能要求$700塊扒啦。其次就係舖頭細，如果要求酒店鐵板或者The One樓上嗰幾間咁闊落，就好難滿足到你，總之就係細舖、企理。講到廚，係一位2-30歲嘅哥哥仔，我最佩姬佢分配時間嘅能力，8枱人一個人做晒，因為全舖只有一塊板，但佢基本咩位都用晒，而且快手，証明佢真係非常熟手，佢一個頂兩個。總括一句，值得返食。