太興 (大本型)

營業中

休息中

前晚大約8:30pm2人入座，打算叫叉燒/油雞飯，伙記話無油雞轉切雞，我話無問題。等待期間再點了排骨面（因為唔多肚餓，唔想食太多），跟住叉燒/油雞飯到達。見到d雞已經有點唔開胃，得4-5細件，全部是背骨位賣剩蔗，仲要收$75。諗了一諗，問伙記可唔可以唔要雞改叉燒？伙記拎走碟飯同燒味部「男」師傅講，唔要d雞，比多幾夠叉燒。「男」師傅問點解？伙記話色水唔靚。「男」師傅話係咁架啦，伙記話總之斬幾件叉燒拎走d雞，「男」師傅唔肯，仲話係咁架😠！我們的座位正正對住燒味部，我走去同「男」師傅講：師傅，d雞全部都是骨，我們唔要了，想換幾件叉燒，點知「男」師傅話：嗰度有2件雞髀位！嘩！佢唔講尼句都無咁🔥！我話邊度有2件髀位！佢死都話有！我返埋位，我問伙記邊有髀位？一件都無！伙記好好人，問經理，經理叫「男」師傅換幾件叉燒我。我夾起晒d雞唔食，個「男」師傅仲繼續講話有雞髀！真係佛都有🔥！我即刻拎比經理睇（因為佢剛剛坐响後2個卡位）。我話：經理，你自己睇下邊有髀位？我們一件雞都無食過。之後經理拎埋d雞同「男」師傅講：真係無髀位！「男」師傅仲死撐話有！！！我又忍唔住問：你話比我知，邊件係髀位？「男」師傅話：咁你