瀛舍 (已結業)

一到達現場，難以置信，放題有個禁大甜品區，仲有2個凍櫃 ，水信玄餅- 有仲涼粉黑糖味道，冬甩- 新鮮鬆軟，，綠茶芝士蛋糕-好香茶味芝士蛋糕，士多啤梨拿破崙-酥皮好脆，吉士醬剛剛好，DIY朱古力心太軟-好玩又好食，玫瑰果凍-淡淡玫瑰清香，食左2個，紅豆鯛魚燒DIY-熱辣即制好卡嘩兒 ，葡撻等……完全有酒店級數，難以取捨。坐位非常寛闊，少見的舒適，全層都係佢一間，玻璃窗外街燈都幾浪漫，仲有比較大的6人卡位，新派風格。同以前迫夾食放題完全唔同。飲品可樂百事居然同場，仲有碧泉，康師傅，生啤，薑茶，沙士……等。心曠神怡的甜品創作壽司有蟹肉的蟹蓋，彈牙好食。多款放題紙燒海老，蝦燒得金黃唔燶，掂 燒羊架，唔羶唔鞋 燒得很香口好食，燒雞翼外脆內嫩。甜蝦好大隻仲有甜味，油甘魚，章紅魚都夠凍新鮮，三文魚厚切，有咬口，玉子燒甜甜地幾好味，烏鳥貝爽口，重點無漏單，真係啱數!讚 章魚大粒，粉醬味道唔錯，三文魚鮫香脆唔腥，仲有仲有奶白鮮魚湯好正，忘記影相。總括食物放題應有，佢都有啦，特別在甜品真的一流，如果女性朋友喜歡甜品，一定開心起來，淨食甜品都飽啦。