肉餅哥小炒料理 (已結業)

今日介紹既餐廳好多朋友可能都聽過，但真係有特色得黎又好味既關係，真係不得不推介一下，佢就係近期開完大圍又開係牛頭角既肉餅哥啦😋佢第一間店開係荃灣，要食既當然係返總店啦😀😀 今次就去左食晚餐，位置比較近荃灣西，店內地方真係唔大，會有小小迫，不過為左食好西無計啦😗🔹流心芝士肉餅 ($71)每個肉餅基本都可以揀要油飯或者菜飯，我地就揀左菜飯，無咁油膩。手掌咁大既肉餅，黎到同一般蒸既唔同，佢係煎既，肉餅仲煎到有小小脆身，加上表面一塊平溶既芝士，非常吸引😍😍唔好以為流心芝士就係表面果塊，其實肉餅入面仲有流心芝士，一夾開就流哂出黎，非常邪惡！#芝士控 必點😍肉餅肉質鬆軟，但係表面香脆，加埋流心芝士，真係一流👍🏻👍🏻🔸原隻龍蝦肉餅 ($128)肉餅由細都食唔少，但係加原隻龍蝦都真係肉餅哥先見到，仲係招牌菜，咁梗係要食下啦！一黎到同其他肉餅唔同，佢係一煲連飯咁上，仲砌返成隻龍蝦咁先上菜，相當別緻☺️龍蝦頭同鉗都仲有肉同膏，龍蝦身既肉就加左係肉餅入面，十分足料🤤一咬落去啖啖既龍蝦味，仲要都係兩邊煎香，非常鮮味😋😋肉餅哥仲有好多唔同既特色肉餅，連好多古靈精怪，估你唔到既桂花蜜糖肉餅，咖啡煉奶肉餅，台式柚子肉