影片
更多
2019-04-11
28 瀏覽
大囡考完試想帶佢食餐好野。問佢食乜，佢竟然話想食甜品食到飽....好啦！帶佢去搵甜品當飯食啦！咖啡拉花試得多，果汁拉花你試過未？呢間喺油麻地廣華附近嘅甜品店。路過見到呢間甜品屋啲甜品好靚，忍唔住入去試吓。果汁都可以拉到花？淨係賣相已經夠呃Like啦！呢杯係暮雪系列，芒果味。味道似芒果奶昔，芒果唔酸，仲好新鮮。個底有啲粒粒，啜起嚟有多重口感。仲冇咁膩，好清新。唔錯。重點推介，榴槤控必點 榴槤甘露！一大球榴槤肉，一般甜品店所用嘅榴槤肉都會一大球冰塊夾雜着。呢間唔係㗎！真係一大球滿滿嘅榴槤肉，大大啖咁食，超級滿足 ！#牛奶小方 ， $18一碟有十粒，味道唔錯，唔算太甜。有椰絲好香。不過太飽。人少就要考慮。#芒果芭菲 ，雪糕中間有一習脆脆粟米片，仲有啲椰果同芒果肉。多重口感，成杯俾雷小囡食晒。我食得一啖...所以一定好好食！
咖啡拉花試得多，果汁拉花你試過未？呢間喺油麻地廣華附近嘅甜品店。路過見到呢間甜品屋啲甜品好靚，忍唔住入去試吓。
果汁都可以拉到花？淨係賣相已經夠呃Like啦！呢杯係暮雪系列，芒果味。味道似芒果奶昔，芒果唔酸，仲好新鮮。個底有啲粒粒，啜起嚟有多重口感。仲冇咁膩，好清新。唔錯。
重點推介，榴槤控必點 榴槤甘露！一大球榴槤肉，一般甜品店所用嘅榴槤肉都會一大球冰塊夾雜着。呢間唔係㗎！真係一大球滿滿嘅榴槤肉，大大啖咁食，超級滿足 ！
#牛奶小方 ， $18一碟有十粒，味道唔錯，唔算太甜。有椰絲好香。不過太飽。人少就要考慮。
#芒果芭菲 ，雪糕中間有一習脆脆粟米片，仲有啲椰果同芒果肉。多重口感，成杯俾雷小囡食晒。我食得一啖...所以一定好好食！
張貼
