農民泰菜 (已結業)

不嬲做開CD-Rom，今次真係忍唔住要比個劣評。星期四的晚上8:30，好運附近食店大多要等位，見呢間新開泰菜有不少好評，又唔使等位抱住試下既心態。點知一食就出事，真心後悔唔去對面商場譚仔，兩餸加辣都只係$40大元。是晚我點了冬陰功肥牛配生菜金邊粉盛為$54元，如果選擇清湯的話好似$47。熱飲另加$5元，凍飲另加$7。呢個價錢如果好食的話唔算貴，但見到碗粉就心知不妙。有相為証，相片的所謂冬陰功只能夠話係一碗超酸同少辣既水，淨飲兩啖難以入口，只有一股酸味同少辣味。十足十水加辣油同醋一樣，揾渾成個湯底，冬陰功應有既配料一d都揾唔到。檸檬葉、南薑就揾唔到，香茅一小段，但飲落啖湯係無呢隻味的。湯底唔掂就緊架啦，最慘連配菜都唔掂。相中碗麵係未食過的，只係‘了’左兩下，又柴又乾又韌既肥牛得兩小舊，生菜3片。一路食就一路後悔無入譚仔，呢度食野仲要係自取，無人送餐的。當麥當勞晚市都有送餐服務既時後，就真係覺得更唔值。😂😂😂😂😂