Zenon Café (已結業)

胡麻醬沙律幾粒蕃茄兩塊煙三文魚收我150蚊？仲要係用cheap cheap個隻三文魚。又用現成胡麻醬，求其撈落去， 每啖菜都伴隨着，一大羹胡麻醬落肚，完全冇心整嘢食。搞笑黑松露蘑菇忌廉湯，就係加熱左嘅忌廉一大碗。做咩open rice 優惠Menu，OpenRice訂枱有折扣。我食完嘅感覺會係好肯定話你知，因為難食到冇人食，先至出呢啲Offer。今日俾你氹到過去唔緊要，但我唔希望再有無知小市民比你哋啲營銷手段受騙。咁難食仲做呢個價，仲喺中環生存到一定係好有生意頭腦，但係冇乜心去改善食物質素嘅老闆黎。以上純屬個人推測及意見，並無貶低及傷害他人的意圖。