呂錦記手撕雞專門店 (筲箕灣道)

營業中

休息中

收工諗唔到食咩好，過馬路見到呢間新開，價錢望落都合理，所以就試一試。蒸雞同手撕雞都有幾款味道可以揀，新開張仲有優惠追加換小食，炸魚皮望落都幾吸引。現場望佢啲雞感覺都好新鮮，所以係職員推介下，我買咗半隻蟲草花水晶雞同半隻孜然手撕雞。佢手撕雞肉嘅份量比一般舖頭多，而且好滑好嫩。水晶雞係我感覺好有驚喜，首先佢嘅蟲草花好多好爽口，然後蒸雞又滑，個配搭好惹味好有口感，連小朋友都食到停唔到口。佢水晶雞唔會斬，但係已經整到就咁用手滅，或者用筷子夾都容易食到。