招牌手撕雞

營業中

休息中

今晚有朋友嚟屋企食飯，好懶唔想整咁多嘢，買外賣返屋企加餸快靚正。喺灣仔新開嘅「招牌手撕雞」買咗以下四款嘢返屋企。招牌手撕雞：我問職員可唔可以將啲青瓜雲耳同埋辣醬分開裝，唔好撈埋落啲手撕雞一齊。職員完全冇嫌我煩，跟足我指示咁分開裝，真係抵讚。手撕雞果然係舖頭嘅招牌。肉質嫩滑，亦都唔會太肥。調味亦都唔會太鹹。加左芝麻令菜式增添香氣。去骨海南雞：隻雞都好大隻，份量十足。雞肉Juicy。配埋蔥蓉，黑醬油同埋甜酸醬，好岩送飯。泰式豬脾：本身都驚豬脾會唔會好似湯渣咁乾，好彩完全冇。佢個豬髀係帶點點肥肉，咬落去肥瘦適中，唔會乾。而且滷得入味。同埋鍾意佢個豬皮，唔會太多肥膏，又多骨膠原。秘製豬手：豬手滷嘅時間夠，一啲都唔硬。好容易咬開，而且豬手有根有肉，咬落帶點彈牙。豬毛亦都清理得唔錯，唔會食到拮口。