燒洒一族

營業中

休息中

樂富街市新開左間燒洒一族，見到都多人幫襯，買返屋企加餸，既方便又抵食。黑糖烤豬頸肉豬頸肉厚薄適中，表面烤得焦香焦脆，肉質爽口，帶黑糖甜味。慢煮醬烤豬肋骨豬肋骨$68大大條好抵食，肉質唔韌，咬落去骨肉容易分離，燒烤醬甜度適中，香濃惹味。傳統烤德式香腸3條香腸份量都幾多，肉質紮實有彈性，腸皮爽脆，點芥末食味道好夾。惹味香辣烤雞髀雞髀賣相好吸引，啖啖肉，肉質幾滑，雞皮爽彈，香辣味道夠入味，唔會好辣。香甜蜜味烤雞髀蜜味雞髀甜甜地，香蜜糖味，肉嫩多汁。香茅烤雞扒飯配蒜蓉汁一打開飯盒就聞到好香嘅蒜蓉汁味，雞扒厚肉，食落一d都唔鞋，幾香香茅味。