影片
更多
2014-05-21
4397 瀏覽
早前見YAHOO團購, $88兩位仲要有酒揀的HI-TEA…抱住"依家去食個快餐都要幾十蚊仲要唔飽…不如錢扮闊太"的心去試. 時間BOOK了下午3點, 其實2點去左下一層既餐廳食LUNCH, 不過先利益聲明係完全對呢餐沒有影響!因為我地試過一個下午食5餐, 呢餐只係整日的第3餐, 所以戰鬥力仍在!門面係非常不錯, 餐廳環境一流! 以白色為主, 感覺是走日系西式餐廳風. 兩面玻璃令整個餐廳都充滿柔和的自然光. 美女店員安排左靠窗卡位, 可以睇到藍天白雲. 餐飲方面肥要了白酒, 奴就要了熱咖啡. 我地應該係第一枱到的HI TEA客, 所以等了十多分鐘HI-TEA盤先隆重登場. 可能係之前睇相令到有太大期望, 所以見到實物時不禁失望…9件食物有至少3件同團購相片&餐單唔同既老闆! 有件分明係茶記椰撻黎喎老友!!!不過…我地係重視內涵多於外表既人, 食左先算!一共有三層, 下層有3種味的多士各2件, 中層有4件甜品, 上層有2件甜品.講多無謂, 直接睇排名最實際!上面是肥, 下面是奴一層層解剖!(茶名由於好多都唔太知所以自行起名, 明的會明)下層其實面包的硬似係放左好耐既生命面包的硬…所以一放
抱住"依家去食個快餐都要幾十蚊仲要唔飽…不如錢扮闊太"的心去試.
時間BOOK了下午3點, 其實2點去左下一層既餐廳食LUNCH, 不過先利益聲明係完全對呢餐沒有影響!因為我地試過一個下午食5餐, 呢餐只係整日的第3餐, 所以戰鬥力仍在!
門面係非常不錯, 餐廳環境一流! 以白色為主, 感覺是走日系西式餐廳風. 兩面玻璃令整個餐廳都充滿柔和的自然光. 美女店員安排左靠窗卡位, 可以睇到藍天白雲. 餐飲方面肥要了白酒, 奴就要了熱咖啡.
我地應該係第一枱到的HI TEA客, 所以等了十多分鐘HI-TEA盤先隆重登場.
可能係之前睇相令到有太大期望, 所以見到實物時不禁失望…9件食物有至少3件同團購相片&餐單唔同既老闆! 有件分明係茶記椰撻黎喎老友!!!不過…我地係重視內涵多於外表既人, 食左先算!
一共有三層, 下層有3種味的多士各2件, 中層有4件甜品, 上層有2件甜品.講多無謂, 直接睇排名最實際!
上面是肥, 下面是奴
一層層解剖!(茶名由於好多都唔太知所以自行起名, 明的會明)
下層
其實面包的硬似係放左好耐既生命面包的硬…所以一放入口都打左個突! 雖然都知係要硬先托得起上面配料…不過口感同單面白雪雪的面包真係令我地聯想到放左好耐既生命面包…不過食左兩啖就習慣左, 而且味道真心唔錯!!!越食越有層次. - 三文魚多士 -
肥：咸點第一位! 我愛食佢D芽菜夾三文魚
奴：第一啖好腥…食食下就OK幾好味
- 吞拿魚多士 -
肥：因為我唔好食吞拿魚, 所以排名有D低
奴：我又OK喎!唔知係咪第一件食關係, 我真心覺得越食越好味!!!早知就同你交換啦!
- 火腿多士 -
肥&奴：通冇驚喜, 一個字:咸
中層
- 椰撻 - 肥：唔好講笑, 係沙漠殺人凶器之一, 乾到呢…
奴：如果係沙漠你好口乾好肚餓時, 面前出現呢個撻…你會揀食得唔食?
肥：大佬當然唔食啦!一食即死!唔食或者仲可以捱多幾個鐘…
奴：不過呢件野我好懷疑佢到底係咪係樓下茶記買返黎既椰撻黎…
- 朱古力慕絲 -
奴：咳咳咳咳咳咳咳咳咳咳⋯⋯⋯（狂咳
肥：沙漠殺人凶器之二, 朱古力粉多到"搶喉"⋯而且中間有層沙沙地口感似朱古力定咩黎⋯個味怪怪地既⋯⋯
奴：應該係黑芝麻嘛？唔係喎真係好似黑朱古力⋯D粉打個噴嚏會噴到對面果位上半身都係
- 泡芙 -
奴：(用叉一拮)頂，點解會咁"林"？！！泡芙皮唔係應該硬同脆既？
肥：佢可能太多吉士，所以多到迫到D皮都林哂⋯不過好在草莓醬真係有草莓味而唔係只係得甜字
- 焦糖燉蛋 -
奴：焦糖燉蛋重點唔係扑碎焦糖脆脆面呢，個面呢？不過個味都Ok既
肥：幾好喎，個味同出面普通食既唔一樣
上層
- 窩芙 - 肥＆奴：⋯⋯⋯⋯⋯⋯
肥：到底⋯
奴：到底係咩味⋯⋯朱古力？咖啡？完全食唔出咩味？而且D吉士好怪⋯⋯⋯
肥：除左朱古力醬，我咩味都食唔出
- 杏仁燉奶 -
肥：好滑，滑到一入口已經唔見左，而且避開杏仁淨食燉奶的話都食得出有牛奶味
奴：有牛奶味？！（認真食）死我只係食到杏仁味！杏仁片好好食！
肥：重點係杏仁片？！！！
飲品
- 白酒 -
奴：對唔住我唔識飲白酒，我只係聞到好香，但味道好唔好就⋯
肥：中上，都易入口，不過只適合送下層咸點，送中上層甜品就唔太夾
- 咖啡 -
奴：OK喎，感覺有D似星X克既咖啡，幾香純，不過好似唔夠熱，好似係咪唔同咖啡豆沖時唔同溫度
肥：到我唔多識分好定唔好，不過呢度唔會高級到用對於溫度有要求既咖啡豆嘛？
奴：唔知呢不過我覺得唔錯係我愛果類味
一份錢一份貨，呢個價可以食到呢個環境已經算唔錯。
下次再試試晚餐啦～睇其他人食評好似牛扒幾好咁
張貼
