龍鳳廚坊 (已結業)

今日游完船河 約咗一班朋友黎龍鳯廚坊開飯皆因之前有朋友食過話唔錯 一個傳一個 口碑確實很仲要幸好我哋有訂位 晚市食飯時間 座無虛席鹵水鵝半隻鹵水汁甘香 濃淡適中 鵝肉紮實 彈牙 嫩滑 皮還皮肉還肉 比例非常好炸咖哩牛腩 用炸嘅方式我都係第一次食 感覺幾特別 炸完嘅牛腩 外皮特別香脆 配上惹味嘅咖哩汁 又有另外一種新食法釀青椒 好香口 好惹味 鑊氣好夠 估唔到隻青椒都幾辣墨魚餅 外脆內彈 豉油王炒腸粉 鑊氣十足 腸粉顏色好靚 配上秘製嘅甜醬 味道好夾夏天最適宜飲冬瓜盅夠曬解暑 材料好豐富 味道清甜椒鹽鮮魷 反而冇咩特別 食到雪藏味炸子雞 必食 外皮炸得非常脆 肉質非常厚 完全脂肪係極少 啖啖肉 炸完之後雞仍然保持肉汁剁椒蒸魚卜 魚腥味可以接受 洗得好乾淨 剁椒 又鹹又辣 魚卜爽口又彈牙 簡直係味蕾嘅新衝擊糖醋麵 麵餅香脆 配合醋同埋糖一齊食 原來效果都唔錯喎 好特別