豚王 (新城市廣場) (已結業)

本人乃豚王fans，拉麵愛好者．沙田豚王開業自今次次去都有讚冇壇，除左今次．．．一入去見到張落單紙冇寫價錢，睇返餐牌原來加左價$2，ok啦．落單，選項比之前複雜左，ok啦可以話更加能夠揀到自己既口味既．千古不變地要腩肉，加半熟蛋，等麵到．麵來了，先係辣醬好似多左d，我要1分辣，但佢俾我既份量似乎有d over，如果1分已經咁多，咁d人揀5咪好多?(好似有5)不過唔緊要，我食得辣，係驚太辣cover左個湯d味je．麵同湯依舊ok，湯係比之前輕味左，但相信係自己用新order紙未識揀到最岩自己je唔關人事．好喇，到腩肉喇，曾經令我要額外order一份既腩肉，令我從未試過lee度既肩肉既腩肉，一放入口，一咀嚼，再咀嚼．．．得肥冇肉既？！回過神來，睇睇未食o個幾塊腩肉，嚇死．．．腩肉，預左佢肥，但今日既腩肉肥瘦比例竟然變成8比2，甚至9比1！！！極失望，同叫齋麵冇分別，可幸是叫左keep到水準既半熟蛋，可幸是拉麵重點係湯，係麵，再其次先到配料．．．結果，依舊食晒d麵飲晒d湯，唔同以前既只係3塊超肥腩肉原封不動地留在碗中．希望，豚王只係一時失手，一向認為加價冇所謂，最緊要係你俾到d咩人食．．．做