影片
更多
2018-08-23
732 瀏覽
最近日本菜喺香港越嚟越流行，所指嘅並唔係連鎖壽司店或者係居酒屋，而係一啲價錢稍貴菜式較為精緻同埋高質嘅廚師發板。今日有機會嚟到紅磡呢一間日本料理店，除咗廚師發板之外當然仲有部份散叫親民日本料理。食物選擇唔算少，而對於日本料理幾乎唔揀飲擇食嘅我，呢一晚點左一個晚市套餐、鰻魚飯同埋牛肉稻庭烏冬。晚市套餐包含嘅食物種類繁多，刺身、燒物、炸物、前菜、壽司同埋甜品。一個人食可能會多，如果兩個人share，再另外加點其他小食，就係比較完美嘅配搭。.前菜-沙律不過不失，勝在用上新鮮清爽嘅沙律菜，配上粟米粒同埋車厘茄，加埋惹味香口嘅芝麻醬，簡單之餘又達到開胃效果。.刺身4款-甜蝦、拖羅、吞拿魚同埋鯛魚或者好多人都鍾意拖羅嘅肥美油脂，或者係吞拿魚嘅多汁肉厚。而我卻鍾情甜蝦刺身，除咗因為佢蛋白質高，油子較低，感覺健康之外，佢嘅蛋牙質感，係其他刺身比唔到嘅，而且我會形容甜蝦嘅甜味係比較清純，由佢單一種味道所發出嚟。當然整體四款刺身都多汁肉原，肥美新鮮。.燒物-醬油燒銀雪魚簡單將銀雪魚輕輕一煎，火候達到，時間掌握剛好，外皮香脆，肉質仍然嫩滑。醬油汁提升咗銀雪魚嘅香口；重點係魚唔腥，一口接一口，馬上就KO。.壽
食物選擇唔算少，而對於日本料理幾乎唔揀飲擇食嘅我，呢一晚點左一個晚市套餐、鰻魚飯同埋牛肉稻庭烏冬。晚市套餐包含嘅食物種類繁多，刺身、燒物、炸物、前菜、壽司同埋甜品。一個人食可能會多，如果兩個人share，再另外加點其他小食，就係比較完美嘅配搭。
.
前菜-沙律
不過不失，勝在用上新鮮清爽嘅沙律菜，配上粟米粒同埋車厘茄，加埋惹味香口嘅芝麻醬，簡單之餘又達到開胃效果。.
刺身4款-甜蝦、拖羅、吞拿魚同埋鯛魚
或者好多人都鍾意拖羅嘅肥美油脂，或者係吞拿魚嘅多汁肉厚。而我卻鍾情甜蝦刺身，除咗因為佢蛋白質高，油子較低，感覺健康之外，佢嘅蛋牙質感，係其他刺身比唔到嘅，而且我會形容甜蝦嘅甜味係比較清純，由佢單一種味道所發出嚟。當然整體四款刺身都多汁肉原，肥美新鮮。
.
燒物-醬油燒銀雪魚
簡單將銀雪魚輕輕一煎，火候達到，時間掌握剛好，外皮香脆，肉質仍然嫩滑。醬油汁提升咗銀雪魚嘅香口；重點係魚唔腥，一口接一口，馬上就KO。
.
壽司六件-當中最喜愛非帆立貝刺身壽司莫屬。
帆立貝肉厚鮮甜；壽司飯嘅酸度調配剛好；飯唔會好鬆散，而且大細適中，方便客人品嚐。.
炸物-天婦羅
簡單的天婦羅其實絕對花過心思。主角明太子炸蝦雲吞天婦羅，餃子皮包着明太子鮮蝦油炸，咬下去除了脆口之外，餡料十足;
伴碟方面，將麵條油炸，簡單，但看得出誠意！.
甜品-士多啤梨雪糕
味道味道其實不錯，略嫌外觀較為遜色，雪糕份量不大，而且沒有裝飾。.
鰻魚飯 $250
用日式便當盒裝住嘅鰻魚飯，份量都唔算好細。鰻魚嘅大小算係覆蓋到飯嘅八成，而且佢有兩件。鰻魚算係肉厚大件，煎過嘅鰻魚格外焦香，塗上左燒汁，就更加惹味。日本珍珠米嘅飯軟硬度適中，口感細膩。附送嘅麵豉湯湯料十足，亦都唔會好鹹。.
牛肉稻庭烏冬 $150
圖中所見嘅烏冬，服務員細心咁為我地分成兩碗。烏冬口感彈牙，吸取左烏冬湯底嘅濃郁味道，令原本已經味道濃厚嘅烏冬更上一層樓！牛肉有好幾片，選取嘅牛部位合適，所以好軟腍。洋蔥京蔥顯刀工，切得好纖幼。餐廳環境寬敞舒適，被安排坐廚師前面嘅高桌，可以望到廚師嘅製作過程，亦都有所交流；價錢雖然稍貴，人均消費大約$500，但係食得出用料上盛，同埋新鮮。
.
俗語有云：「辛苦搵嚟志在食。」間中嘅奢華其實都係一種生活嘅享受。
張貼
