影片
更多
2008-04-27
8 瀏覽
哩到係我同Honey感覺幸福嘅地方，久唔久都會嚟，但今日一去到門口，由知客、waitress到部長都係新人，問佢係咪轉咗老闆，佢話唔係，好彩真係見到老闆坐係到食緊嘢，但再問劉師傅是否係到，waitress姐姐話因為新嚟，所以唔熟廚房嘅師傅，嘩好驚！廚師係一間餐館嘅靈魂喎！落單個亞姐仲係到，而且認得我哋，佢話劉師傅仲係到做，只不過依加唔係到。但有好多弔詭嘢：（１）平時有一本正式且精美嘅menu，但今次冇俾，只係叫我哋係兩頁A4紙上揀；（２）冇例湯，落單亞姐話因為有兩枱素宴，所以冇煲，但嗰陣只係8點15分，鋪裏面得我哋一枱，出面就有１枱６個人，所有枱都係set好哂！你話奇唔奇怪？！（３）唔知係咪想慳電，電視機貼住壞機，以前就算得我哋一枱都會開電視。講番食物，我哋叫咗：（１）上湯浸菠菜（比起其他，已經算ＯＫ啦！）（２）涼瓜豆豉炒鷄片（叫咗要生炒，雖然冇拖水，但好明顯佢落水煮，甘味還有少許，但不夠爽口）（３）星洲炒米（微暖，完全冇鑊氣，冇味道，好少餸）（４）前菜改咗炸松子仁（好油；以前有時係芽菜仔、薯仔絲等，好味好多！）Waitress亞姐都好趣緻，見我哋叫咗（１）同（２）都係菜，竟然叫我哋叫
但有好多弔詭嘢：
（１）平時有一本正式且精美嘅menu，但今次冇俾，只係叫我哋係兩頁A4紙上揀；
（２）冇例湯，落單亞姐話因為有兩枱素宴，所以冇煲，但嗰陣只係8點15分，鋪裏面得我哋一枱，出面就有１枱６個人，所有枱都係set好哂！你話奇唔奇怪？！
（３）唔知係咪想慳電，電視機貼住壞機，以前就算得我哋一枱都會開電視。
講番食物，我哋叫咗：
（１）上湯浸菠菜（比起其他，已經算ＯＫ啦！）
（２）涼瓜豆豉炒鷄片（叫咗要生炒，雖然冇拖水，但好明顯佢落水煮，甘味還有少許，但不夠爽口）
（３）星洲炒米（微暖，完全冇鑊氣，冇味道，好少餸）
（４）前菜改咗炸松子仁（好油；以前有時係芽菜仔、薯仔絲等，好味好多！）
Waitress亞姐都好趣緻，見我哋叫咗（１）同（２）都係菜，竟然叫我哋叫啲肉，唔知佢未適應係齋鋪做，定係提議我哋叫素肉呢！哩餐都幾失望，考慮吓仲會唔會再嚟！
張貼