串Grill 自助燒烤專門店 (譽發廣場) (已結業)

前一排工作得咁辛苦，梗係要搵機會獎勵吓自己啦！今日就去咗一間油麻地嘅自助串燒食飯，真係book位嘅時候都已經好興奮😆講真呢種新式嘅串燒都係第一次食，最開心嘅就係佢又唔使人手燒，又有好大個既韓式抽油煙機，唔洗搞到成身油煙味。入到去用QR code落單，入面有豬、牛、羊、雞、菜、甜類、海鮮等等嘅大種類。而每一種類都有至少三至四款嘅選擇，加埋加埋都真係好多嘢食🤩🤩講真最鍾意去燒烤嘅時候都係食肉類，加上bite size嘅大細，左手一口牛右手一口羊咁食，真係又好玩又好食。😂 個人覺得佢嘅豬肉好靚，差啲第一輪掛住食牛miss咗。當燒到咁上下嘅時候又可以叫翠玉瓜、車厘茄、菠蘿等等解下膩，成個體驗都好正。而佢地特色小食都唔少嫁，有雞皮、雞蛋仔、日本番薯、秋葵等等，變相令到食嘢嘅口感都好豐富。 我印象好深刻嘅係最後order咗雞蛋仔同埋棉花糖，然後將雞蛋仔圍住溶緊嘅棉花糖一路轉，將佢地二合為一，成品好靚之餘仲好好食😂不得不提嘅係佢出菜嘅速度真係好快，落咗單冇幾耐之後侍應已經好快手咁放咗上個張枱 (仲要有個五層嘅食物架，等你唔需要將d食物擺到成枱都係)，然後將啲串燒放落個爐度就食得啦！佢個爐每次大概燒到