樂天皇朝 (新城市廣場三期)

同friend行街行到肚餓剛好下午茶時間。朋友本身係上海人，所以我哋就揀咗食「樂天皇朝」餐廳樓底高空間感大，裝潢華麗、座位寬敞舒適，坐得非常舒服。
餐牌內種類繁多，不過最吸引都係特色皇朝小籠包，有八種顏色埋藏住八種唔同嘅味道。另外叫咗我最愛嘅蟹粉鍋貼、炸小饅頭，同埋蔥油餅。
呢度店員服務親切效率快，我哋一坐低就送上熱茶同甜甜開胃小食~栗子炆花生（花生炆到超腍、栗子非常香甜)，我哋兩個一粒又一粒數分鐘就清碟。

1

炸到金黃色超吸晴，食落外皮酥脆，內餡keep到軟白綿密，點埋煉奶食，一口氣就食咗兩粒 yummy

$32

8種獨特口味包括有(招牌原味、糟溜絲瓜、鵝肝、黑松露、芝士、蟹粉、蒜香、川味），跟住指引順序由淡到濃品嚐，每一層味道交集起黎非常獨特，令人回味。

$148

甜甜圈形狀嘅蔥油餅入口超香脆鬆化，入面包含濃濃香蔥氣息，愛蔥人士必點之選。

$43

皮脆肉嫩 一咬開濃濃蟹粉汁隨即流出 超滋味的

$58

1