海魂燒 (已結業)

為預祝有人生日，今晚來這小店慶祝一下。我地叫左個二人餐，非常豐富！今日餐湯係蕃茄湯，有茄肉，酸度適中，很開胃。餐飲揀左白酒同菠蘿汁，都不錯。芒果牛油果沙律，醬汁好得別，芒果新鮮，好好味！鐵板日本和牛，有鐵板自己燒，由友人主理，牛肉好新鮮，入口即溶，非常香口！金菇牛肉卷，非常好味，薄薄嘅牛肉包住脆脆嘅金菇，燒汁好惹味，必食！燒原條荀殼皇，魚肉好滑，擠埋檸檬汁更顯鮮味。特色炸拼盤，雞軟骨碎好香脆但又唔會好油膩，好味！單骨雞翼亦好方便進食。天婦羅蝦炸得好好味，啖啖蝦肉。成個餐嘅重點就係芝士燒原隻波士頓大龍蝦，真係好大隻好多肉，上面有蟹籽同特製醬汁，每個部位都係肥美嘅龍蝦肉！野菜湯烏冬，湯底好味，好大窩，烏冬都好滑！迷你鵝肝漢堡，鵝肝燒得好香，細細一個啱哂我地。最後甜品係燒湯圓，平生未食過燒嘅湯圓，好創新！外皮燒得香脆，內裡有香濃芝麻蓉，好正！