金先生韓膳館 (已結業)

星期三晚同朋友去銅鑼灣食飯，想食清Ｄ，左諗右諗，最後揀左食韓國菜。呢間金先生Ｄ裝修都唔錯，無烤爐，唔駛烏煙瘴氣，環境OK。食物都幾多選擇，有Ｄ都幾特別，我地點左金先生特色鍋（可以話係一品鍋，好多料，辣辣地，好惹味）、人蔘雞湯（雞裡面有糯米，淡淡地，幾正宗）、牛肋骨鍋（炆得好林，Ｄ汁送飯一流）、牛肉石頭飯、小食：泡菜薄餅、明太子春卷、豬肉雜菜卷（即係生菜包豬肉加飯焦），雖然好味，但略嫌份量太小。６個人埋單六百幾，都算合理。其實韓國菜都唔一定要有燒烤，呢間金先生Ｄ菜式都算正宗，仲有Ｄ菜係自創，其實都幾特別，但唔算多人幫襯，可能因為香港人普遍視韓國菜為次等菜式，好多人都接受唔到佢收接近日本菜價錢啦。