彩福皇宴 (已結業)

今日我同公公睇完醫生，順便去飲茶食飯。本來諗住行返去荃灣廣場食飯，但係又唔想老人家行咁遠，就諗住附近食一食就算。行到去眾安街，左右望一望，見到有間酒樓既招牌，咁就去試一試。呢間酒樓冇試過，唔知好唔好食。呢間彩福皇宴係6樓，仲好似好出名咁。部長見我拖住老人家都同我搵左張枱行近門口，唔冼行咁遠。入面個裝修都幾靚，用左紫色既燈幾夢幻，仲有城堡，可能係結婚既佈置。今日係星期1，不過都好多人嚟飲茶。見到點心紙，個午市自選套餐$198，有飯有點心有小菜好似幾抵咁，而且個d得獎點心個樣有幾吸引，一於每樣叫少少首先，叫左茶，點左食物之後，好快就嚟左個豬腸粉。五顔六色幾吸引，本身以為只係淨腸粉，原來入面仲有蝦米，令到食落去更加香，醬汁有甜醬辣醬麻醬，不過個辣味最出，豉油帶甜味，可以中和辣味。腸粉好滑帶點煙韌。根住係炒芥蘭，芥蘭好翠綠好新鮮，炒得好爽脆。可能係加左辣椒同咸菜一齊炒，味道辣辣地仲有d咸香，好嘢味。素鵝拼燒腩仔，我本身對素鵝麻麻地，但係呢個素鵝整得唔錯, 外皮好脆，入面有紅蘿白絲同冬菇, 好爽口同香口。燒腩仔好甘香，一層脂肪一層瘦肉，又咬口又有豬肉香，加埋脆片既外皮，好食。蝦餃王，有4隻，真係