影片
更多
2018-01-23
440 瀏覽
忽然想食點心，食過深水埗添好運又食過太子一點心，都覺得呢d舊式點心鋪係正過酒樓。不過人在旺角就食唔到前面兩間啦，路過呢間點點心，見到排隊人數多到一個點。而且唔係大陸自由行，黎呢間舖頭排隊既人百分之八十係韓國人，我就純屬好奇想睇下有乜咁吸引d韓國人黎幫襯。一間偏向做遊客生意的食肆，注定價錢就唔會平，好在呢度有好多另類點心，第一次食會覺得幾特別。首先係金沙豬仔包（$20），造型好特別係隻豬仔既樣，但其實係一個流沙奶皇包黎。如果搣開個包，熱面熱辣辣既流沙就嘩啦嘩啦咁湧出黎。包軟綿綿，流沙比例岩岩好，唔會多都漏，而且有好香既蛋黃味。脆皮鮮蝦腸($31)軟潤爽滑，米白色的腸粉外層有一層油量光澤。腸粉入面包左脆脆，再加埋原隻蝦，一咬落去係三重口感。豉油比例岩岩好，唔係死鹹搶走曬味道，反而起提鮮作用，不愧為招牌。蟹籽燒賣皇（$27），入面唔似酒樓咁全部包肥豬肉，所以較為結實，口感唔鬆散，大大顆趁熱吃最正。黑椒金錢肚 （$26），金錢肚份量唔係好多，不過吸滿左濃郁醬汁，很入味，連墊底d蘿蔔都吸滿左汁。金錢肚爽口得黎唔會韌，好味。醬皇蒸鳳爪（$20）十分考驗火候，要整到軟爛但又唔會覺得軟賴賴都幾難。呢度
一間偏向做遊客生意的食肆，注定價錢就唔會平，好在呢度有好多另類點心，第一次食會覺得幾特別。
首先係金沙豬仔包（$20），造型好特別係隻豬仔既樣，但其實係一個流沙奶皇包黎。如果搣開個包，熱面熱辣辣既流沙就嘩啦嘩啦咁湧出黎。包軟綿綿，流沙比例岩岩好，唔會多都漏，而且有好香既蛋黃味。
脆皮鮮蝦腸($31)軟潤爽滑，米白色的腸粉外層有一層油量光澤。腸粉入面包左脆脆，再加埋原隻蝦，一咬落去係三重口感。豉油比例岩岩好，唔係死鹹搶走曬味道，反而起提鮮作用，不愧為招牌。
蟹籽燒賣皇（$27），入面唔似酒樓咁全部包肥豬肉，所以較為結實，口感唔鬆散，大大顆趁熱吃最正。
黑椒金錢肚 （$26），金錢肚份量唔係好多，不過吸滿左濃郁醬汁，很入味，連墊底d蘿蔔都吸滿左汁。金錢肚爽口得黎唔會韌，好味。
醬皇蒸鳳爪（$20）十分考驗火候，要整到軟爛但又唔會覺得軟賴賴都幾難。呢度鳳爪很厚身，入口有膠質感，燜得軟之餘沾滿微微辣醬汁，連骨頭都有味，好味。
呢間店鋪好細間，但係坐滿曬人。好在食物質素唔錯，除左傳統點心，亦都提供創意選擇，值得Encore既。
張貼
