吉列牛忌廉烏冬專門店 (百樂中心) (已結業)

Fatvava揾食😋套餐 $246吉列牛定食 份量都多，賣相好靚，吉列外層加上鮮紅既牛肉，配上小小前菜就係成個定食。自己放上鐵板燒，幾分鐘就可以，牛肉唔會韌，有牛味，脆既外層加上牛既肉汁，再點上醬汁或者沙律醬，送飯真係唔錯！咖哩忌廉牛肉烏冬一望就覺得好邪惡，上面鋪滿忌廉，慢慢下沉，好治癒。攪勻連埋入面既咖哩汁，又濃又稠既醬，超掛麵，每啖都好多醬，驚喜係個咖哩都好出濃，烏冬都變成淡黃色。而且忌廉係較輕盈，成件事無望落去咁滯，都有驚喜好滑！入面都多牛肉粒，d牛都嫩滑，好軟一d都唔會老，整體值得一試！骨付豬肉腸 $38多汁入味，少少脆口，係一條飽滿多汁既香腸感覺。韓國蜂蜜紅棗茶 $8 入面有紅棗肉，加上蜂蜜，甜又滋潤既感覺。Passion Punch $18唔會太甜，有熱情果味冰凍解渴。