CAMPSITE (朗豪坊) (已結業)

朗豪坊有一間以露營為主題嘅餐廳，非常有創意有獨特，餐廳環境舒適，仲有好多有心思嘅設計打卡位，非常值得去呢到食嘢兼影相📸️🐄牛肉醬管麵滿滿牛肉醬味道好香濃，酸酸尾尾好開胃呀，仲有啲芝士香味，因為加咗好多芝士粉上去，令到味道更加提升！🌸豆腐柚子櫻花麵呢個麵嘅配搭都幾特別，櫻花麵係粉紅色！好靚！味道都有淡淡花香！而且配上豆腐柚子比較清新嘅組合，好鐘意🐓唐楊炸雞炸雞好香脆，岩岩炸好keep到熱辣辣！而且外脆內軟，仲keep到有滿滿肉汁，太出色！🥬XO醬炭烤蘭花苗簡簡單單嘅蘭花苗，加上味道濃郁嘅XO醬，超級入味！