Shining Restaurant & Lounge (已結業)

同朋友仔約左去銅鑼灣食晏，點知一上到黎真係打左個突。心諗做乜晏奏點幾兩點約我去酒吧😅😅😅睇一睇menu，原來係食潮州野嘅，午市餐單每個禮拜都有唔同嘅野食，仲有湯送。滷豆腐鵝肉飯 果日嘅例湯係冬瓜湯，岩哂近排嘅天氣，消暑解毒。鵝肉係冇骨嘅，岩哂我依啲唔鐘意lun骨嘅人。鵝肉同豆腐都好入味，仲有幾條菜，晏奏黎食真係一流。咁岩我黎嘅時候係第4個禮拜，果個禮拜係冇墨魚嘅，所以就散嗌左隻。睇落好似好小咁，但其實佢疊就左，所以食完面頭果層都仲有好多響底。墨魚好有咬口，唔會太濃味。威士忌酒香鵝肝 呢個鵝肝簡直就係打卡鵝肝，睇得又食得。鵝肝上枱嘅時候有個波波，個波波入面有一陣好香嘅木味。個波波下面係威士忌黎，估唔倒同鵝肝又幾襯。啲鵝肝都幾厚身下，淋左啲酒響面之後，既有酒香又有鵝味，而且呢個鵝肝係冇好肥好濟嘅感覺。