蟹粉時蔬 $88 應下節，叫左蟹粉，同時又可以食吓菜健康啲。蟹粉香濃滑溜，啖啖肉。配菠菜苗定豆苗（？）翠綠爽脆，係我哋兩個都鍾意食嘅菜！兩者足料，夾埋入口鮮味爆發😍
蘿蔔絲酥 $42 足料，飽肚。酥皮薄脆金黃，一咬「咔嚓」散開，蘿蔔絲軟糯微甜～
龍遊精選燒賣系列 $70 燒賣賣相精緻，皮薄餡多，六粒都唔同味道。六粒都各有特色，味道偏濃味，包括有馬友鹹魚燒賣、蝦醬墨魚燒賣、黑胡椒蟹燒賣等等。欣賞佢嘅創意，仲可以一路試，一路同朋友估係咩味道🤣一試無妨！
龍餃子 $48 圓碌碌賣相都係好可愛🤩 蝦餃皮彈牙，內餡鮮嫩，味道特別，例如：松露野菌晶瑩餃松露味出；酸菜魚喺蝦餃上面，酸酸地幾特別👏🏻
豉汁排骨蒸陳村粉 $58 陳村粉煙韌吸汁，排骨軟腍，經典港味。
餐廳門口仲擺放咗啲有關點心嘅紀念品，又可以宣傳香港特色，幾唔錯。仲有啲拉絲菠蘿包都幾吸引，不過我哋怕太多就冇叫，下次再嚟試！
賣點
🫰價錢合理、有創意又傳統、足料味道好👍🏻
好味度：8.5/10
1
