軒寧樓 (已結業)

上星期五和好耐冇見的朋友飯敘，以前大家都喜歡食日本菜、韓國菜、泰國菜，今次反璞歸真，話要食中菜，但又唔想去集團式酒樓，真喺考起我!  好彩同事話有間喺灣仔新開中式小菜館叫軒寧樓，不妨一試。可能是新開業的原固，店長殷勤招待，推介我哋試下龍蝦、蟶子皇。一般酒樓都喺用芝士焗龍蝦+伊麵墊底，或者清湯煮，但出乎意料，店長話可以用蘿蔔糕墊底，我心裡有啲疑惑，但食落又幾夾，有新意，龍蝦大大隻，好鮮甜，份量足夠四、五個人食，計落又幾抵。蟶子皇+粉絲蒜蓉蒸，好爽口、唔太鹹，有水準。另外叫咗碟燒汁露筍牛仔粒，味道啱啱好，又唔韌。至於碟上湯蒜子浸豆苗就普普通通，不過不失啦。最後值得一讚就喺生磨蛋白杏仁茶，好幼滑，好香甜，同其他酒樓開杏仁粉比較，絕對贏幾條街!