樂天皇朝 (利舞臺廣場) (已搬遷) 新店位置

朋友食過樂天皇朝,讚他們招牌菜之皇朝小籠包 皮薄餡靚， 八種不同味道的, 非常美味,今日試過果然名不虛傳, 回味無窮。這間位於利舞臺廣場之樂天王朝上海菜館, 裝修非常特色 ,很有中國傳統氣派 ，加上整層面積十分大， 座位特別寬敞， 絕對是坐得舒適、食得舒服。我們一行三人， 分別叫了特色招牌菜樂天皇朝小籠包、 成都口水雞 、四川酸辣湯、 麻醬油麥菜和蟹粉炒飯。樂天皇朝小籠包好食不再話下， 他們的皮真是超薄 加上八種不同味道,款款都各具特色， 食時顺序以原味為先，最後以麻辣味結尾， 味道一層層 ,特別正。成都口水雞， 有少少辣，雞好嫩滑， 特別有雞味。四川酸辣湯， 初頭飲是覺得冇乜辣味，但是飲到最後就越嚟越辣，很有層次感，正。麻醬油麥菜，估唔到油麥菜非常爽口，配上麻香味嘅麻辣醬，特別好食開胃。最後蟹粉炒飯， 這款一定要熱食，否則凍咗有少少腥嘅感覺， 蟹汁勁香骨，令炒飯食落鮮甜味足。