微辣大排檔 (已結業)

朋友約我去微辣大排檔食飯，我初時以為真係去大排檔，原來唔係，係位於沙田新城市廣場三期嘅一間餐廳叫”微辣大排檔”餐廳裝修玩味十足，以麻雀，地鐵車廂做主題，帶有種懷舊嘅感覺。見到餐牌寫住雲集左5間米芝蓮等級美食品牌，幾吸引，其中一間仲係我鐘意食嘅北角雞蛋仔😍。點左咪走雞(米酒雞)，朋友話呢個係必點嘅,個煲好大，煲蓋係🐔公仔，好得意，侍應幫我哋打開煲蓋,淋啲酒再點火，即時有陣陣香味湧上來，雞望落細細隻，但原來好多肉，雞肉嫩滑，金針雲耳浸透著雞汁嘅味道，好鮮甜最冇得頂係佢個懷舊蟹膏蝦多士，夠鬆脆，蝦味濃厚，配埋蟹膏同蟹籽一齊食，真係好食到停唔到口👍👍👍椒絲腐乳炒通菜好大碟發記大香腸，上盤好特別，原條串起，然後剪一舊舊食，味道似食台灣果啲香腸，好味