影片
更多
2017-07-23
259 瀏覽
今次同朋友共4人到位置K11內的牧羊少年創意咖啡館by GaBee內食晚飯，地區十分方便易揾，係大家放工後聚腳的好地！我地共叫一個二人套餐「雙雙對對」共有前菜、主食兩款、甜品及兩杯飲品。我地另外加多兩個意粉及小食。先黎個水牛芝士木瓜番茄沙律。蔬菜新鮮脆口，個木瓜生左少少比較硬，整體OK！另外4個意粉如下鮮忌廉白菌煙三文魚意粉：煙三文魚個Smoky味好香，意粉硬度適中，但個汁個甜味重左少少，係食得出的甜味。松露醬野菌意大利粉：松露愈來愈受大家的歡迎，有多間的食肆都推出松露的產品。但呢碟意粉，除左松露味唔夠濃外，個汁都係偏甜，建議想吃濃郁的松露味的可以Skip。車打芝士汁鮮蝦意大利粉：我係個芝士迷，呢碟意粉係我request的，但食完唔講真係唔會知呢個係芝士汁。芝士得個色無咩味，味道都係偏甜。拿破崙辣肉腸蜜桃意大利粉：終於有個比較可取的意粉！辣肉腸夠香又有辣味，個茄味出。我地另外加的水牛雞中翼配藍芝士醬：個雞翼炸得剛剛好，一咬出黎仲要好多肉汁吱出黎。藍芝士汁會自動另上，唔會太早，保持雞翼的脆口感。但身為芝士迷的我，都係覺得個汁都係唔夠芝士味。朋友的餐飲叫左蘋果肉桂茶。由於無真果肉，並用茶包
今次同朋友共4人到位置K11內的牧羊少年創意咖啡館by GaBee內食晚飯，地區十分方便易揾，係大家放工後聚腳的好地！
我地共叫一個二人套餐「雙雙對對」共有前菜、主食兩款、甜品及兩杯飲品。我地另外加多兩個意粉及小食。
先黎個水牛芝士木瓜番茄沙律。蔬菜新鮮脆口，個木瓜生左少少比較硬，整體OK！
另外4個意粉如下
鮮忌廉白菌煙三文魚意粉：煙三文魚個Smoky味好香，意粉硬度適中，但個汁個甜味重左少少，係食得出的甜味。
松露醬野菌意大利粉：松露愈來愈受大家的歡迎，有多間的食肆都推出松露的產品。但呢碟意粉，除左松露味唔夠濃外，個汁都係偏甜，建議想吃濃郁的松露味的可以Skip。
車打芝士汁鮮蝦意大利粉：我係個芝士迷，呢碟意粉係我request的，但食完唔講真係唔會知呢個係芝士汁。芝士得個色無咩味，味道都係偏甜。
拿破崙辣肉腸蜜桃意大利粉：終於有個比較可取的意粉！辣肉腸夠香又有辣味，個茄味出。
我地另外加的水牛雞中翼配藍芝士醬：個雞翼炸得剛剛好，一咬出黎仲要好多肉汁吱出黎。藍芝士汁會自動另上，唔會太早，保持雞翼的脆口感。但身為芝士迷的我，都係覺得個汁都係唔夠芝士味。
朋友的餐飲叫左蘋果肉桂茶。由於無真果肉，並用茶包沖出黎，建議泡耐d先飲。
黎到Cafe，點可以唔叫咖啡？我叫左一杯花生咖啡奶昔，花生同咖啡味互相配合得非常之好，係有驚喜的飲品。
二人餐跟左兩件蛋糕，揀左紐約芝士蛋糕及黑森林芝士蛋糕。蛋糕軟硬適中，再加上旁邊的cream一齊食，豐富了口感。
整體而言，Cafe適合週末幾個朋友飲杯咖啡，食下小食。食完仲可以到附近行下街，享受悠閒的時刻。
張貼
