樂天皇朝 (利舞臺廣場) (已搬遷) 新店位置

今日有朋友生日 於是幾個人去咗位於銅鑼灣嘅呢間樂天皇朝到食中菜 間餐廳主打食上海菜餐廳裝修好有格調 燈光昏暗 餐廳中央有個小水池 非常特別 酸辣湯好足料，有肉絲木耳絲豆乾等等，一啖食落去有唔同嘅層次口感，加埋個湯酸酸地令人好想一啖接一啖咁飲落去。你得食上海菜梗係要食小籠包 叫咗兩種唔同嘅口味 分別係芝士小籠包同埋黑松露小籠包芝士小籠包好香芝士嘅味道 而且好多湯汁爆出嚟 熱辣辣食仲有拉絲嘅效果 黑松露小籠包個餡料好香嘅黑松露味 而且唔係用黑松露醬 而係用原塊黑松露 十分有驚喜水煮魚 上面鋪滿辣椒嘅紅油 以為好辣 但原來唔係 魚片唔係太辣 唔啱食辣嘅朋友都食到 而且魚肉好嫩滑 好似滑入喉嚨咁 下面仲有薯粉 芽菜等嘅配料 不過薯粉就索曬水煮魚嘅辣油 勁辣 食唔曬就放棄咗最後見唔係幾飽就叫多咗份紅油抄手，一送上嚟就覺得好香醋味，我哋叫呢款係有蝦肉嘅，佢嘅蝦肉都幾新鮮爽口豬肉肥瘦比例適中，配上微辣嘅紅油好快就比我地掃清光。