四季‧悅 日本餐廳 (遠東金融中心)

放題要幾平有幾平，但唔係間間都好食。團購$318三位送一位，咁岩朋友生日，決定一齊去試下呢間四季悅。

第一輪當然狂食刺生，三文魚同蝦都好新鮮，咁正當然有再encore啦！

燒物中規中矩，餃子可不叫。

最愛燒菠蘿，好甜好多汁。鰻魚就一般，感覺燒得唔夠乾身。

串燒。

天婦羅都唔錯，唔係求其。

計埋加一，每人大約三百蚊。食物上枱速度算快，同埋呢間最好食係刺身，夠新鮮，之前食過放題三文魚係霉，令人失望。

如果再有團購優惠，會再來！🌯🍣🍢🍹