妖怪 (已結業)

上個月喺Openrice搵到呢間餐廳，見到評價有好有壞，本來都有少少擔心，驚會中伏。跟住發現原來身邊有朋友食過，話啲刺身好掂，咁我就襯今日放假出中環試吓喇😆😆松葉蟹肉甜蝦丼：唔好睇佢外表細細碗，其實份量都幾大㗎。松葉蟹肉有好多，令每一啖飯都有滿滿嘅蟹肉😋 甜蝦勁大隻又鮮甜，好足料👍🏻雜錦魚生丼：朋友叫嘅呢個丼飯好抵食呀，有拖羅、油甘魚、帆立貝，仲有海膽添！海膽新鮮creamy，冇難以下嚥嘅腥臭味。拖羅肉身呈透亮嘅粉紅色，鮮味飽滿，油脂醇厚👍🏻👍🏻 油甘魚色澤紋路分布均勻，如大理石😍 肉厚肥嫩，勁好味😋結論就係唔伏之餘，仲比我預期好味好多，大家嚟到妖怪記得要點刺身呀🤤