打邊爐

營業中

休息中

餐廳自己有魚缸，所以海鮮全部都是即叫即劏，非常新鮮。湯底款式都很多，全部都是精心熬制，用料十足，我們要了一個限量的有機蕃茄龍蝦湯，裏面有大大隻龍蝦鉗，新鮮彈牙，蕃茄薯仔湯好似阿媽煲既靚湯，完全無味精又足料，鮮甜無比。先叫了𩶘魚刺身，來自日本的𩶘魚是比較少見貨式，每片都薄薄帶點透光，爽口鮮甜，魚味十足，但建議食完先好食其他食物，因為飲了湯後再食刺身，味道即時淡了。叫了個非常邪惡的黃金炸魚皮，即叫即炸，魚皮係熱辣辣又香脆，每塊都沾滿了咸蛋王。鳳城水餃真情做得好過雲吞麵店，每粒都脹卜卜，包著至少兩隻蝦，餡料新鮮爽口。竹笙蟹肉百花卷即係竹笙裏面包著墨魚膠，外面爽口裏面彈牙，口感特別。唐生菜砌得靚又翠綠，碌一碌就食得。自家製的菊花茶及薏米水，兩者皆不會太甜，但我比較鍾意菊花清香，清熱降火。最後還送上紅棗桃膠雪耳，十分滋潤。