影片
更多
2023-05-30
853 瀏覽
食評：1) 自選丼定食（藍鰭吞拿魚赤身、香燒藍鰭吞拿魚扒、油甘魚、三文魚） $213定食set包括茶碗蒸、味噌湯、小菜同漬物，茶碗蒸入口滑身有蛋香味，味道不錯。刺身部分亦非常出色，刺身厚切，食落有口感。油甘魚同三文魚油而不膩，非常新鮮。吞拿魚赤身色澤紅潤，入口唔多筋。至於香燒吞拿魚扒食落香口，油脂感較重，味道亦相對較濃，3塊嘅份量配埋壽司飯食岩岩好，否則份量太多會覺咸。2) 自選丼定食（香燒藍鰭吞拿魚扒、深海池魚、三文魚、甜蝦他他） $204甜蝦他他撈壽司飯食一流><非常鮮甜，好味！池魚亦同樣出色，原本叫池魚都驚驚地會腥，但佢無^^ 3) 鹽燒吞拿魚鮫（300g） $128一入鋪坐底，staff就同我地推介幾款魚鮫，話限量供應主打慢煮。我地叫咗份最細份量300g嘅吞拿魚鮫試。雖然得300g，加埋係魚鮫位，原本以為應該都無咩肉食，點知魚肉份量比想像中多！食極都仲有，2個人食呢個size岩岩好。吞拿魚鮫燒得極香，魚鮫位多數油脂多D，但呢個食落唔會成口油唔舒服，油脂比例恰到好處，魚肉亦唔”鞋”~ 服務質素&環境：Staff都好nice，一埋位就有
1) 自選丼定食（藍鰭吞拿魚赤身、香燒藍鰭吞拿魚扒、油甘魚、三文魚） $213
定食set包括茶碗蒸、味噌湯、小菜同漬物，茶碗蒸入口滑身有蛋香味，味道不錯。刺身部分亦非常出色，刺身厚切，食落有口感。油甘魚同三文魚油而不膩，非常新鮮。吞拿魚赤身色澤紅潤，入口唔多筋。至於香燒吞拿魚扒食落香口，油脂感較重，味道亦相對較濃，3塊嘅份量配埋壽司飯食岩岩好，否則份量太多會覺咸。
2) 自選丼定食（香燒藍鰭吞拿魚扒、深海池魚、三文魚、甜蝦他他） $204
甜蝦他他撈壽司飯食一流><非常鮮甜，好味！池魚亦同樣出色，原本叫池魚都驚驚地會腥，但佢無^^
3) 鹽燒吞拿魚鮫（300g） $128
一入鋪坐底，staff就同我地推介幾款魚鮫，話限量供應主打慢煮。我地叫咗份最細份量300g嘅吞拿魚鮫試。雖然得300g，加埋係魚鮫位，原本以為應該都無咩肉食，點知魚肉份量比想像中多！食極都仲有，2個人食呢個size岩岩好。吞拿魚鮫燒得極香，魚鮫位多數油脂多D，但呢個食落唔會成口油唔舒服，油脂比例恰到好處，魚肉亦唔”鞋”~
服務質素&環境：
Staff都好nice，一埋位就有同我地介紹今日推薦菜式。見我地杯茶飲曬亦會自動幫我地斟滿。由於係平日dinner，餐廳當日未完全入座，所以整體都坐得舒服，絕對會再encore！
張貼
