影片
更多
2023-02-26
20 瀏覽
好朋友從外國返嚟，梗係要揀間有靚景觀🏞、坐得舒服、服務貼心，又有佢最鍾意食嘅刺身、壽司同埋鐵板燒，所以我揀咗呢間👇Dinner special menu＄1280季節前菜🥢昆布煮豆腐醬油漬昆布加埋豆味香濃嘅豆腐，開啟味蕾嘅好前菜🥢自家製北海道鮟鱇魚肝醬脆口櫻花形最中餅夾住濃香綿密、mousse口感嘅鮟鱇魚肝醬，脆口與幼滑嘅交戰，再加埋食用花，絕對係視覺及口感的衝擊 Menu裏面可以揀刺身或壽司，我哋兩個人各叫一份，可以試多啲不同款式 😝季節刺身（3款）🥢大分縣深海池魚－爽口鮮甜🥢吞拿魚－呢個部位係介乎赤身同中拖之間，肉質細緻綿滑，鮮嫩肉厚🥢鰹魚－面頭微微燒香將肉汁鎖住，肉質厚實味鮮壽司（3款）🥢槍魷魚－魷魚爽彈並塗上清香柚子汁，鮮甜清新組合🥢瀨戶內海真鯛－真鯛肉質爽口但比較清淡，配上淡雪鹽及白松露油，白松露味非常清香，相互提升鮮度，🥢鮫鰈魚－油脂豐盈嘅鮫鰈魚炙燒過後令油脂滲出，魚味更濃季節生蠔🥢日本米奇真蠔－肉厚而爽身，海水味濃並帶淡淡嘅礦物味，配上清甜橘子醋啫喱，非常之夾吸物🥄海參鮮淮山魚湯魚味非常濃香醇厚，海參煙韌有質感，淮山綿腍，飲完暖胃又暖心鐵板燒食材會先俾客人睇一睇🥢香草牛油
Dinner special menu＄1280
季節前菜
🥢昆布煮豆腐
醬油漬昆布加埋豆味香濃嘅豆腐，開啟味蕾嘅好前菜
🥢自家製北海道鮟鱇魚肝醬
脆口櫻花形最中餅夾住濃香綿密、mousse口感嘅鮟鱇魚肝醬，脆口與幼滑嘅交戰，再加埋食用花，絕對係視覺及口感的衝擊
Menu裏面可以揀刺身或壽司，我哋兩個人各叫一份，可以試多啲不同款式 😝
季節刺身（3款）
🥢大分縣深海池魚－爽口鮮甜
🥢吞拿魚－呢個部位係介乎赤身同中拖之間，肉質細緻綿滑，鮮嫩肉厚
🥢鰹魚－面頭微微燒香將肉汁鎖住，肉質厚實味鮮
壽司（3款）
🥢槍魷魚－魷魚爽彈並塗上清香柚子汁，鮮甜清新組合
🥢瀨戶內海真鯛－真鯛肉質爽口但比較清淡，配上淡雪鹽及白松露油，白松露味非常清香，相互提升鮮度，
🥢鮫鰈魚－油脂豐盈嘅鮫鰈魚炙燒過後令油脂滲出，魚味更濃
季節生蠔
🥢日本米奇真蠔－肉厚而爽身，海水味濃並帶淡淡嘅礦物味，配上清甜橘子醋啫喱，非常之夾
吸物
🥄海參鮮淮山魚湯
魚味非常濃香醇厚，海參煙韌有質感，淮山綿腍，飲完暖胃又暖心
鐵板燒食材會先俾客人睇一睇
🥢香草牛油紐西蘭海螯蝦
聞落已經非常香口，煎得啱啱好，質地又爽又滑，juicy又鮮甜，連蝦頭糕都非常甘香
🥢北海道帆立貝配三文魚籽
帆立貝厚肉大粒，牛油味香濃，面位微微焦香，令肉質更加鮮甜，配上鹹香卜脆魚籽，無得輸
🥢法國鵝肝配自家製黑醋
師傅好有心機慢慢煎到鵝肝外脆內軟、金黃靚仔，而裏面仲好粉嫩；又厚又大塊，其實係厚過塊多士🤣，軟綿腍滑，濃郁但唔騷，配埋黑醋平衡返個油膩感
🥢澳洲M9牛舌
煎得外面甘香裏面粉嫩多汁，而且厚肉爽彈
Menu裏面可以揀牛肉或者豬肉，我哋當然每樣一個試齊佢喇😝，師傅好好仲幫我哋分埋添
🥢美國頂級牛肉
軟淋juicy，牛味又濃
🥢西班牙黑毛豬
表面煎得甘香，內裡肉質粉嫩軟淋，肉味香濃，邊位嘅肥肉仲好香甜，配埋洋蔥沙律，清爽唔覺油膩，連蒜片都好香脆
🥢黑松露蟹肉炒飯
炒緊嘅時候已經聞到好香黑松露味，而食落除咗有黑松露味之外，蛋香味都好濃，蟹肉亦唔少，雖然已經好飽，不過仍然好想食哂佢
🥢炒雜菜
鐵板最尾嘅一道菜，椰菜炒得甘甜焦香
甜品
🍦芝麻雪糕－芝麻味濃香清甜幼滑
位於26樓景觀開揚，遠望無敵海景，近望維園；坐得舒服，而服務態度亦非常到位，性價比高👍
魚堅總評
性價比 5👍
(以5👍為滿分)
張貼
