漁吉海鮮丼專門店 (已搬遷) 新店位置

本身一心想黎試蟹王丼同期間限定，點知黎到兩款都無貨😣最後就揀左咩都有得試嘅漁吉特選丼($188)心大心細嘅人要呢款就啱曬，即係我😂不過我唔食三文魚子同蟹籽，所以走左呢兩樣。我見到其他人食都超級大碗，為免食剩浪費我就order左少飯。而另一碗北海帆立海老丼($178)就係正常份量，男生都比較大食！少飯份量應該cut左1/3，女生吃剛剛好，配菜一樣咁足！我碗特選丼上枱嗰時少左隻赤蝦，食食下先發現，後尾同店員講返都補比我，夠匀真！呢個飯都真係幾正，刺身新鮮厚切，尤其三文魚入口好有脂香，相反產地直送鮮魚睇落脂肪分佈均勻，但食落偏韌！油甘魚都唔夠三文魚好食，換曬三文魚就好🤤不過呢啲都要試左先知自己啱唔啱口味~ 櫻花魷魚好特別，爽口又香，拌飯食好好味！炙燒左口魚邊、燒星鰻、炙燒帆立貝同燒海膽，呢幾樣全部無得輸，絕對係encore原因😝但唯一要挑剔係飯唔夠煙韌軟糯，口感偏硬實，醋味太重，改善下呢點就更完美！溫泉蛋炸雞沙律 $42同我想像有少少出入，本來以為係一件件炸雞，原來係細細粒，味道有啲似鹽酥雞。沙律有配溫泉蛋好正，不過我覺得奴菜太浪費，俾我拎咗去撈飯🙈鹽燒鯖魚 $42呢條鯖魚必食推介！皮脆肉嫩