RuRu Tapas Restaurant (已結業)

放工想同朋友chill一下，於是過黎佢公司呢邊幫襯呢間西班牙小菜館。喺香港好少食西班牙菜，但以前係去過西班牙旅行，對西班牙菜吸收了北非、中東等地的烹飪精華，念念不忘。呢日黎到Ruru Tapas Restaurant，就勾起左我對西班牙菜嘅好多回憶，因為呢度啲食物都好高質，環境亦都好舒適。呢日我地就叫左西班牙炸蛋（$98）、慢煮雞胸肉配薯仔團芝士汁（$228）、西班牙脆豬腩燉飯（$228）同埋海膽三文魚子鵝肝。每一道菜都好細緻，好有特色。西班牙炸蛋係極有風味的傳統小食，吃時需用叉子戳穿半熟的流心蛋，並沾上外圍香脆薯絲一同品嚐，非常之趣卜卜，極度香口。至於合西班牙脆豬腩燉飯，脆豬腩肉質厚實，外皮孜脆口，燉飯就汁香味濃，飽肚感十足。而個海膽三文魚子鵝肝，擺碟十分精緻，三文魚子味濃，鵝肝好軟棉，所有配料加埋，完全衝擊我嘅味蕾感受，極之美味！而我地就最鍾意慢煮雞胸肉配薯仔團芝士汁。慢煮雞胸， 十分嫩滑，唔會鞋口，個薯仔團飽肚感十足，芝士汁好濃郁，好有特色，整道菜都配合得天衣無縫，食完非常滿足。整體來說，Ruru Tapas Restaurant係一間好高水準嘅西班牙餐廳，我一定會再黎幫襯Rur