夏娃 (已結業)

臨近聖誕節，當然學校會有聖誕聯歡會。原本大家諗住是但訂岀面嗰d聖誕套餐，但後尾發現價錢貴、份量少。突然諗起成日食呢間德國餐廳，於是膽粗粗打去餐廳問吓有冇做聖誕節到會，又竟然有喎！所以就決定叫呢間餐廳到會。餐廳到會嘅安排幾好，因為我學校唔係附近地區，所以餐廳安排叫gogovan送貨。雖然gogovan送貨途中遇到隧道大塞車，但餐廳會時不時聯絡個司機位置，而且d食物送到時仲係熱熱地(餐廳用錫紙蓋冚好包好)，所以整體上都冇咩大問題。今次好滿意呢個到會，下次再有party一定會再叫呢間餐廳！