荷里活冰室 (利東商場)

今日利東邨放工唔使講嘢，直接入商場搵嘢食，人就係咁得意，一種味道你記住嘅話，就會定時定候提住你去追蹤番個味道，而今日要去追蹤嘅味道，就係荷裡活冰室嘅咖哩汁。荷裡活冰室嘅咖哩汁，係少少偏甜，少少椰香，配合埋佢嘅炸豬扒簡直一流，但係個靈魂我覺得係佢個米飯，夠乾身，令你食到汁同飯分離嗰種感覺，茶餐廳碟頭飯嘅最高境界，莫過於此

手掌咁大塊豬扒，同埋呢間餐廳嘅炸物，顏色好多時好光亮，換油次數應該好頻密，好經常性用新油嚟炸，你唔會食到好大陣油歷味，絕對值得一讚

就係呢一種少少汁，挺身嘅飯粒，在家少少吉列碎，啖啖都係精華