影片
更多
2016-04-23
1258 瀏覽
今日老公出黎灣仔接我收工，之後喺灣仔覓食。我帶左佢入新嘅利東街入面搵食，行左好多間餐廳，發覺大部分嘅價位都好高！最後帶佢去左呢間Passion by Gerard Dubois! 呢間餐廳之前喺莊士敦道嘅時候我已經成日喺lunch嘅時候去買sandwiches同埋salad, 果時多數都係take away, 因為座位實在係太少，午飯時間十成十都爆滿！最近發現原來餐廳搬左入利東街，仲擴大到有兩層㖭！lunch就試得多，dinner都係第一次食！餐廳下層嘅open counter擺滿哂三文治，Danish, quiche, 麵包，salad bar, 雪糕，甜點蛋糕等等，五顏六色七彩繽紛，睇到我眼花暸亂，心大心細，樣樣都想食呀！餐廳下層嘅座位全部都係outdoor! 見到餐廳櫃面仲放左好多食物嘅poster, 原來除左open counter 嘅食物外，上層仲有提供pasta pizza同埋其他熱盤！因為我地唔係太肚餓嘅緣故，最後左揀右揀，喺下層買左一份大嘅沙律（我至愛！必食！），之後再上上層order一個法式熱鍋「慢煮牛小排」、一杯hot chocolate!沙律有大size同細siz
呢間餐廳之前喺莊士敦道嘅時候我已經成日喺lunch嘅時候去買sandwiches同埋salad, 果時多數都係take away, 因為座位實在係太少，午飯時間十成十都爆滿！最近發現原來餐廳搬左入利東街，仲擴大到有兩層㖭！lunch就試得多，dinner都係第一次食！餐廳下層嘅open counter擺滿哂三文治，Danish, quiche, 麵包，salad bar, 雪糕，甜點蛋糕等等，五顏六色七彩繽紛，睇到我眼花暸亂，心大心細，樣樣都想食呀！
餐廳下層嘅座位全部都係outdoor! 見到餐廳櫃面仲放左好多食物嘅poster, 原來除左open counter 嘅食物外，上層仲有提供pasta pizza同埋其他熱盤！
因為我地唔係太肚餓嘅緣故，最後左揀右揀，喺下層買左一份大嘅沙律（我至愛！必食！），之後再上上層order一個法式熱鍋「慢煮牛小排」、一杯hot chocolate!沙律有大size同細size分，大size嘅沙律最多可以揀4款，我次次都一定揀「水牛芝士番茄」同埋「紅菜頭＋柑」，酸酸甜甜好開胃，最重要係用料好新鮮，好juicy! 另外兩款仲揀左第一次食嘅雜菜沙律（個名叫蔬菜伊甸園，好靚嘅名！哈！）同雞肉蜆殼粉沙律！雜菜係一貫嘅新鮮，雞肉蜆殼粉有少少辣辣地，撈埋沙律醬出奇地唔覺「漏」，甜甜辣辣好好味！一份大size沙律份量都好多，如果得我一個人肯定食唔哂！
第一次喺呢間餐廳食熱盤！「慢煮牛小排」用一個le cruset嘅小鍋盛載住，仲配有兩片麵包！牛小排好淋，有牛味，比預期中好，配埋其他配料紅蘿白薯仔大蔥，特別讚一讚個汁，唔會太油膩，用黎沾麵包食一流！如果牛小排嘅份量再多d就正喇！兩片麵包入面有nuts, 一如以往呢間餐廳嘅麵包都係好正！
飲品熱朱古力好濃味，又香又滑！正！
食完哂已經超飽！不過黎passion by Gerard Dubois 又點可以錯過佢嘅甜點呢？我地最後點左一個朱古力開心果餅同埋一個黑森林！
朱古力開心果餅比想像中冇咁甜，底層嘅朱古力脆脆好鬆化，上層嘅朱古力球入面包住開心果mousse ,開心果味好重，我鍾意呀！！黑森林係老公至愛，去到邊嗌到邊，我飽得滯冇食到，不過見到老公三兩下已經清左，明哂啦！好豐富又美味嘅晚餐，價錢比起灣仔其他西餐廳平好多，新舖環境比舊舖都舒服好多！座位與座位之間都有一定距離，比以前寬敞！夜晚嘅人流比起中午時間少好多，反而可以靜靜地舒舒服服咁享受一下一流嘅環境同食物！老公話下次想再嚟試吓意粉同Pizza㖭！
張貼
