咖啡灣 (荃灣千色匯) (已結業)

難得今日有時間同朋友行街食飯，就揀咗一間裝修特別嘅cafe食。首先，我哋叫咗一個蜜糖芝士炸雞。雞件好大件，而且都係新鮮炸起，重點係冇骨架，食落去啖啖肉，肉質鮮嫩！而且都有三種唔同醬汁，可以因應自己口味去點配撘黎食，分別係士多啤梨醬、蜜糖芥茉醬、BBQ醬。再者，我哋叫咗一個香辣蒜香大蝦意粉。意粉食落去彈牙，小小嘅辣味令到成個意粉食落更加開胃！意粉嘅醬汁好濃稠，令到成個意粉好juicy。蝦肉都鮮甜，冇雪藏味！最後，一定要試吓呢度嘅甜品啦，因為就咁睇餐牌已經好吸引！我哋叫咗一個Oreo窩夫。一見到已經覺得好想食，窩夫做到外脆內軟，再配埋上面嘅雪糕同埋cream食，感覺一啲都唔溜，令人食完再想食！