影片
更多
2022-12-30
191 瀏覽
慶祝結婚周年，揀咗當年結婚場地半島酒店食個下午茶慶祝。大堂嘅下午茶大家應該試過，今次book咗比較新，位於商場地庫嘅The Peninsula Boutique & Cafe。我地點咗二人下午茶set（$728 +10%），包括有佢signature嘅scone，幾款鹹點及甜點，北海道牛乳軟雪糕，馬卡龍同埋兩杯飲品。半島出品嘅scone 一向都出名，今次再食都冇失望，整得鬆脆，搽埋士多啤梨醬或牛油，真心好正。鹹點包括蘑菇泡芙、青橄欖蛋糕同三文魚青瓜三文治。甜點有朱古力法式小蛋糕、紅加侖子泡芙同柑橘慕絲。Tea set賣相極為吸精，打卡一流。各款食物味道亦相當不錯，尤其係朱古力法式小蛋糕，味道有少少似金莎朱古力。另外北海道牛乳軟雪糕，牛奶味香濃，入口非常軟滑，好有驚喜。開頭見tea set好似唔係好多野食，但食下食下其實都好夠飽。由於全間cafe只係得五張枱，所以比較難book，我同老公喺網上睇咗一輪攻略先成功book到，提提大家餐廳接受21日前預訂，大家可以mark定日子網上訂枱。訂枱時仲可告知酒店慶祝生日或紀念日，佢哋會用朱古力醬響門僮帽上寫埋字，用嚟影相就啱晒。餐廳環境一流，絕對適
我地點咗二人下午茶set（$728 +10%），包括有佢signature嘅scone，幾款鹹點及甜點，北海道牛乳軟雪糕，馬卡龍同埋兩杯飲品。
半島出品嘅scone 一向都出名，今次再食都冇失望，整得鬆脆，搽埋士多啤梨醬或牛油，真心好正。
鹹點包括蘑菇泡芙、青橄欖蛋糕同三文魚青瓜三文治。甜點有朱古力法式小蛋糕、紅加侖子泡芙同柑橘慕絲。
Tea set賣相極為吸精，打卡一流。各款食物味道亦相當不錯，尤其係朱古力法式小蛋糕，味道有少少似金莎朱古力。另外北海道牛乳軟雪糕，牛奶味香濃，入口非常軟滑，好有驚喜。開頭見tea set好似唔係好多野食，但食下食下其實都好夠飽。
由於全間cafe只係得五張枱，所以比較難book，我同老公喺網上睇咗一輪攻略先成功book到，提提大家餐廳接受21日前預訂，大家可以mark定日子網上訂枱。
訂枱時仲可告知酒店慶祝生日或紀念日，佢哋會用朱古力醬響門僮帽上寫埋字，用嚟影相就啱晒。
餐廳環境一流，絕對適合閨蜜情侶，人少少傾偈同慶祝生日或紀念日。下午茶同大堂嘅餐牌略有不同，比大堂清靜，但食物同樣高質。
張貼
