Kimbap Gallery (已結業)

其實一直知大埔多野食，但因唔多熟路，所以無特別過黎搵食今次經過完全係意外，因為呢間小店門面成間韓式cafe咁，同大埔舊墟既味道格格不入，所以引起左我注意，加上本人極度喜歡韓式飯捲，佢叫kimpak gallery(韓式飯捲廊）簡直擊中左我要害，所以就忍唔住入左去！第一次去係lunch，一入到去就帶南瓜湯＋泡菜，打開lunch set餐牌，竟然無飯捲set再打開main menu，發現同lunch set 價錢都差不多，每款飯捲都係40-60 不等（已經算抵，試過其他出名韓食店，要$70-80 ）所以叫左個特別少少，韓式魚榚飯捲（好似係$48），因為三個人食，仲叫左韓式海鮮刀削麵（$5X）＋卡邦尼芝士年榚粉絲（$5X）魚榚飯捲比我想像中足料同大舊，有十件（如果我lunch淨係食呢個都夠飽！），而且味道唔錯！卡邦尼年榚都有驚喜，以呢個價錢拍得住我食過既韓式連鎖店！至於刀削麵則不過不失，下次黎就應該唔會叫，但都算足料。之後三月頭晚餐時段今次特登再黎係因為想再食佢既飯捲！今次試左銀魚飯捲，都係有水準之作，同魚榚唔同既係加入左果仁，口感幾特別！