Luxury (已結業)

呢間餐廳環境寧靜，座位舒適，非常適合情侶慶祝特別日子。價錢亦十分實惠，$398有3道菜。一開始既餐包已經睇到有心思，分別係黑松露牛油，蕃茄牛油同原味牛油~第一道前菜係刺身蝦配龍蝦肉多士，蝦好爽口新鮮~前菜點了焦糖法國鵝肝terrine配魚子醬及芝麻吞拿魚配拖羅他他。鵝肝十分rich and creamy, 是鵝肝醬的質地，就咁食有點膩，配合無花果醬及多士一起吃較好。吞拿魚，拖羅他他配wasabi蛋黃醬都係第一次試，wasabi醬令拖羅食落無咁油膩，同平時果隻wasabi口味是完全不同的，而吞拿魚半熟幾好味，值得一試！主菜就選了牛柳配香煎龍蝦和無骨豬扒。龍蝦肉質爽脆但偏咸。但牛柳就好香好嫩，熟度剛好。豬扒的肉汁豐富，配上蘋果醬酸酸甜甜，肉質嫩滑，我更喜歡這個main。甜品就好推介士多啤梨拿破倫，酥皮好脆好香！另外果個蘋果啫喱就無乜特別。