夢上海 (已結業)

住了海韻軒快兩年,好味東西附近並不多.但最近坐濕頭巴士(shuttle)時,收到一張很精緻的咭片仔, 於是一家大細決定試試無防,起碼見咭片仔都有用心去做,於是打電話訂檯.....一家四口,七時到達,已見座位有七八成,有無咁堅呀?山卡拉地方?anyway, 坐落見地方"骨子",伙計好似幾忙,但menu 都算ok, 一看已有心頭好,無問題! 老婆大人是晚亦皇恩浩蕩,居然可以叫"乾菜紅燒肉"及"蒸河鰻",於是叫部長快落order,免女人善變! 於是點了: "乾菜紅燒肉""蒸河鰻" "醉鴿" "薰魚" "奶油津白" 及 "小籠包", 還有一碗"陽春麵"給小女兒. 等菜其間,經理走來寒暄,方知此店乃"九龍會"附屬餐廳,新開無耐.經理還介紹到隔離酒莊買酒而免我開瓶費,唔使揸車,何妨!.....當酒正在開時,食物已到,試下先:"乾菜紅燒肉"---掂!掂!好掂.入口即溶,甘香入味! 其他唔得都可來多次."蒸河鰻" --都得 !清! 鮮! 滑! 睇來唔係一般師傅仔做到"醉鴿" --好入味,而且香料用量適中,幾得!"薰魚" --炸得唔夠身而且太甜,不是我杯茶.不過老媽子話好味???"火腿津白" - 菜一碟