樂天皇朝 (利舞臺廣場) (已搬遷) 新店位置

之前食過一次樂天皇朝覺得唔錯，難得一家人老遠過海，帶兩老來一趟。生食嘅油麥菜配麻醬用薄薄一片青瓜捲住，口味好清新。三色瑪瑙蛋用心處理，一半全蛋白、一半結合鹹蛋黃跟皮蛋，口味淡淡的，凍食別有風味。黑松露小籠包，可能過分醮醋，吃不出黑松露味道，不過皮薄兼充滿湯汁，一流。薄餅包肉絲，肉好嫩，薄餅包裹京蒽絲，惹味令口味提升，濃味之選。上海炒年糕，津菜略鹹，但勝在年糕夠淋入味。擔擔麵對於嗜辣嘅我當然無料到啦，要加添辣椒油，都係花生醬味，驚喜不大。蟹粉炒飯雖蟹粉充足，蟹黃香味四溢，可惜比較重口味(鹹左丁點)，可以一試。