富臨薈 (已結業)

今日帶左3個小朋友去食，小朋友對食物既要求唔高，但每件產品令佢地有驚喜，實屬難得。因為帶住3個小朋友，忙到無影相，好可惜 😭😭😭乳鴿~$25/隻，相比富臨既水準好，脆皮而嫩口，多汁有雞先定有蛋先 ~ 原來蛋殼入面係布甸，小朋友話好好食海南雞飯 ~ 飯應該係雞油飯，雞嫩口，最愛薑蓉味真係粟米包 ~ 我地剛巧被安排座在廚房前，大玻璃睇到師傅們用心制作，正正包這個粟米包，決定一點試味。😍😍原來入面既餡係粟米肉粒飯既味，哈哈…好懷念兒時碟頭飯 😂😂不過味道夾既，可惜阿仔話個包好食D, 最後分工合作，我食餡，佢食包 😂😂櫻花蝦海鮮炒飯 ~ 小朋友至愛，送黎時只係一個3角塔飯，但小朋友各自食左一碗後不停話要添，味道唔錯 😋😋仲有幾款食物有點，但我無食到 😭😭個個都搶住話要試，無我份食 😭😭總結食品唔錯，充滿著心思，撇除一般中式酒樓既老人味，店內客人有遊客，有中年，有小童，氣氛有別於其他中式食肆。下次有機會會再去。😍😍