辣吧 (已結業)

食川菜其實唔一定要食辣。呢款四川香鍋有四個口味，而我哋就揀咗唔辣嘅蒜蓉醬香味。揀完口味，仲可以自由配搭粉麵、海鮮、肉類同蔬菜。落完單，職員就放咗個鍋架喺枱面。放鍋之前，再係鍋底點上爐火，等鍋上面嘅食物可以保持溫度。等咗冇耐食物就嚟到，其實都比想像中大鍋。兩款海鮮分別揀咗花膠件同元貝。花膠件完全吸曬鍋底嘅蒜蓉醬香味，非常入味。而元貝食落都好爽口。三款肉類分別揀咗肥牛、五花肉同台灣一口蜜汁腸。 本來以為肥牛放得係鍋耐就會變得乾同硬，但又冇呢個情況發生，食到尾牛肉仍然肉質鮮嫩又唔會變硬。台灣蜜糖腸嘅蜜糖味好突出， 食落有好濃嘅蜜糖味，又同蒜香味都幾夾。四款蔬菜分別揀咗娃娃菜、秋葵、土豆同埋炒蛋， 而鍋內本身都有三色椒、蔥同埋芫茜作調味。 蔬菜都係完全吸收曬湯底嘅精華，非常入味。秋葵要早啲食，因為食到中途已經開始爛同散開，不過依然爽口。老司機餐廳仲有幾款富有中國特色嘅cocktail，當然要試下。老司機以廣東米酒為主酒，再加入檸檬汁同蜜糖等等。又估唔到呢度嘅Mango Smoothie都好好飲，打得夠細滑又加入咗好多鮮奶，飲落香甜又夠滑。