26
7
3
等級4
🎐幾年前,熊妹同貓妹去過銅鑼灣店嘅《GoodDay Cafe》食晚餐,熊妹好少食過一次的餐廳會再去食,不過近排發現佢哋搬咗新鋪,去咗葵涌KCC,Menu唔同,今日決定同貓妹再過去回味一下。📌KCC好容易去,係葵興地鐵站E出口一出就係。《GoodDay Cafe》位於8樓,搭lift上去就係。📌嘩!新鋪簡直煥然一新,地方闊落,環境光鮮,有圓枱,有方形枱,仲有玻璃望窗吧枱位,望住個天食個tea簡直一流。📌新鋪新Menu📋,多咗好多嘢食喎,仲要多元化左好多,漢堡🍔都有六七款,仲有Benedicts egg、意粉、薯條🍟、沙律🥗同各款小食,價錢大概$110至到$150,配搭飲品可以跟原價減$10,以Café價錢來講算中上價。📌作為咖啡店,飲品方面當然有沖調咖啡啦,仲有其他梳打特飲,價錢為$30-$50,咖啡店嘆杯咖啡☕️,坐成個下午,價錢都🈴理。至尊烤珍寶蘑菇手打牛肉雙層芝士漢堡,$152➕加半個牛油果,$28食漢堡梗係要食手打牛肉先叫做係漢堡包🍔,呢個漢堡仲要係店舖推介,熊妹不得不試啦。半溶的雙層芝士澎湃到呢,簡直覆蓋著成塊漢堡扒,望到都垂涎三沢。🤤伴碟有一大堆沙律菜🥗同埋一大堆粗身薯條🍟,沙
更多
8 瀏覽
0 讚好
0 留言
🎐幾年前,熊妹同貓妹去過銅鑼灣店嘅《GoodDay Cafe》食晚餐,熊妹好少食過一次的餐廳會再去食,不過近排發現佢哋搬咗新鋪,去咗葵涌KCC,Menu唔同,今日決定同貓妹再過去回味一下。

22 瀏覽
0 讚好
0 留言
📌KCC好容易去,係葵興地鐵站E出口一出就係。《GoodDay Cafe》位於8樓,搭lift上去就係。

22 瀏覽
0 讚好
0 留言
📌嘩!新鋪簡直煥然一新,地方闊落,環境光鮮,有圓枱,有方形枱,仲有玻璃望窗吧枱位,望住個天食個tea簡直一流。

193 瀏覽
0 讚好
0 留言
📌新鋪新Menu📋,多咗好多嘢食喎,仲要多元化左好多,漢堡🍔都有六七款,仲有Benedicts egg、意粉、薯條🍟、沙律🥗同各款小食,價錢大概$110至到$150,配搭飲品可以跟原價減$10,以Café價錢來講算中上價。

155 瀏覽
0 讚好
0 留言
📌作為咖啡店,飲品方面當然有沖調咖啡啦,仲有其他梳打特飲,價錢為$30-$50,咖啡店嘆杯咖啡☕️,坐成個下午,價錢都🈴理。
至尊烤珍寶蘑菇手打牛肉雙層芝士漢堡
$152
17 瀏覽
0 讚好
0 留言
至尊烤珍寶蘑菇手打牛肉雙層芝士漢堡,$152
➕加半個牛油果,$28
食漢堡梗係要食手打牛肉先叫做係漢堡包🍔,呢個漢堡仲要係店舖推介,熊妹不得不試啦。

半溶的雙層芝士澎湃到呢,簡直覆蓋著成塊漢堡扒,望到都垂涎三沢。🤤
伴碟有一大堆沙律菜🥗同埋一大堆粗身薯條🍟,沙律菜好新鮮,撈上黑醋汁好開胃。薯條熱辣辣炸得好脆口,粗身薯條🍟又夠厚,好似食緊成個薯仔咁🥔。又健康又邪惡,都算係攞返個平衡。🔛
另加半個牛油果🥑係擺咗喺伴碟,可以讓食客隨意地就咁食牛油果又得,或者夾喺漢堡包入面連埋漢堡包一齊食加多重口感又得,呢個做法幾好喎!牛油果熟到超級好,超腍超熟超香,熊妹比較鍾意額外就咁食,因為可以令牛油果喺口腔入邊自己停留然後溶化,慢慢滲出牛油嘅香味。

15 瀏覽
0 讚好
0 留言
漢堡包切開之後,來一個近鏡先。

嘩!牛肉漢堡扒都好厚一塊,肉質好腍,煎到大概八成熟又唔會太嚡太乾,而且仲好Juicy,呢塊手打牛肉功架很唔錯。

上下嘅半溶芝士夾住塊漢堡扒,令到食漢堡扒嘅時候一定會食到車打芝士嘅鹹香🧀,漢堡包入面,芝士配漢堡扒一定係最佳配搭。

大啡菇🍄煎烤過好香,菇肉好爽口,好新鮮,好多菇汁,滋潤埋個漢堡扒,令到成個包好濕潤唔會好乾。

仲有一片番茄片🍅同埋沙律菜🥗,一口過由包皮連半溶芝士牛肉漢堡扒番茄生菜咬落去,口腔入面充斥着各種食材嘅口感同味道然後又混合埋一齊,呢個就係漢堡包嘅滋味之處。

好日豐盛日早餐
$118
22 瀏覽
0 讚好
0 留言
好日豐盛日早餐,$118
➕多士轉鬆餅配自製果醬,+$18
➕加半個牛油果,$28
貓妹比較大食,豐盛日早餐先會夠佢飽。炒蛋🍳、煙三文魚🐠、大啡菇🍄、沙律菜🥗、薯餅🥔、香腸🐷、基本嘅材料都有齊,另外貓妹唔食茄汁豆,轉左多啲沙律菜,同埋另加$18將多士轉左鬆餅配自製果醬。

炒蛋係用日本蛋,真係食得出分別㗎。蛋味香濃啲,口感滑啲,冇咁嚡口;煙三文魚有一小塊,肉質正常冇渣;大啡菇煎烤過,香菇味仲有菇汁,口感彈牙幾新鮮;沙律菜好新鮮,撈上黑醋汁,開胃又健康;炸薯餅味道正常,粒粒薯粒點茄汁最適合;豬肉腸有兩條,外皮煎香過,咬落去有啲油脂咇出嚟,冇雪藏味,無肉渣。

鬆餅係熊妹最愛嘅提子鬆餅,有提子乾,放涼左都仲係好重牛油味,外皮未算好脆,係入口都仲係好鬆化,最驚喜係自製果醬,比較稀身嘅忌廉芝士醬混合埋少少果醬搽喺鬆餅上面,更加提升鬆餅混合物嘅味道,呢個自製果醬值得加分。

Cold brew冷泡伯爵茶啡
$54
14 瀏覽
0 讚好
0 留言
Cold brew冷泡伯爵茶啡,$54
貓妹一望個drink menu就揀呢個冷泡茶啡🍷,因為佢係屋企都會自己沖黎玩。

冷泡茶啡嘅原理就係以冷水去浸泡茶葉同咖啡粉嘅味道出嚟,因為用冷水去浸,所以要嘅時間比較長啲,就唔似用熱水好快就可以沖出茶或者咖啡嘅味道。

嘩!熊妹就真係第一次飲呢個冷泡茶啡,就咁聽落去熊妹以為係走奶的鴛鴦,但飲落去完全係另一個高檔層次🔝!伯爵茶嘅茶香味好出,但係又可以飲到咖啡味嘅回甘,識得用上伯爵茶呢種咁獨特嘅茶味,又唔會比香濃黑咖啡嘅味道蓋過左,兩種味道各有千秋,但係同時喺同一啖入邊可以品嚐到又唔會撈埋一齊,呢種配搭非常聰明,貓妹續啖續啖去品嚐佢哋嘅味道,都讚口不絕,絕對值得一試嘅獨特咖啡店飲品。

Flat  white
$39
22 瀏覽
0 讚好
0 留言
Flat white,$39
熊妹一如以往,揀返自己喜愛嘅沖調咖啡-Flat white☕️。
拉花好特別,唔係一般嘅心形,而係好少見的海馬。

可能因為海馬嘅形狀,變成奶泡層唔係太多,飲落去唔算好豐厚,好快就溶返入咖啡入面,不過咖啡同奶嘅比例都恰到好處,淡淡嘅咖啡味又會散發出牛奶嘅味道,呢個就係熊妹鍾情於Flat white嘅地方。

8 瀏覽
0 讚好
0 留言
📌嘻嘻哈哈,細聲講大聲笑,食下野又吹吓水,望吓個天又飲吓嘢,咁晴朗☀️的好日,跟好友係休閒咖啡店渡過一個美麗嘅下午時光,一生知己,熊復何求?🐻
5 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-04-05
用餐途徑
堂食
人均消費
$200 (下午茶)
推介美食
至尊烤珍寶蘑菇手打牛肉雙層芝士漢堡
$ 152
好日豐盛日早餐
$ 118